परिचय:–

यस शाखाले विज्ञान प्रविधि तथा वातावरण मन्त्रालय तथा अन्तर्गत निकायहरुका लागि आवाधिक एवं वार्षिक योजना तर्जुमा गर्ने, मन्त्रालय एवं अन्तर्गत निकायहरुका कार्यक्रमहरु संचालनको कार्यमा समन्वयकारी भूमिका निभाउने गरेको छ । भई गरेका कार्यहरुलाई अनुगमन गरी सोको प्रगति विवरण सम्वन्धित निकायमा पठाउने तथा त्यसको प्रभावकारीता मूल्याकंन गरी सुझाव दिने कार्य गर्दै आइरहेको छ । संचालित वार्षिक कार्यक्रमहरुको समय समयमा समीक्षा गरी सवैलाई भई गरेका कार्यहरुका बारेमा सुसूचित हुने मौका दिई प्रचलित नियम अनुसार कार्यक्रम संचालन भए नभएको अनुगमन गर्ने गरेको छ ।

योजना अनुगमन तथा बजेट समन्वय शाखा बाट सम्पादन गरिदै आएका मुख्य–मुख्य कार्यहरु :–

• मन्त्रालय एवं अन्तर्गत निकायहरुले सम्पादन गर्ने कार्यहरुका आधारमा आवधिक योजना तर्जुमा गर्ने
• सालबसाली रुपमा वर्षभरि गरिने गतिविधि छनौट गरी ती कार्यहरुका आधारमा आवधिक वजेटको रुपमा वार्षिक कार्यक्रमको तर्जुमा गर्ने र स्वीकृत गराउने कार्यमा समन्वयकारी भुमिका निर्वाह गर्ने ।
• वार्षिक कार्यक्रम र वजेटको विषयमा सम्वन्धित निकाय राष्ट्रिय योजना आयोग, अर्थ मन्त्रालय तथा प्रधानमन्त्री तथा मन्त्रीपरिषद्को कार्यालयका वीच यस मन्त्रालयवाट सम्पर्क शाखाको रुपमा कार्य गर्ने ।
• स्वीकृत कार्यक्रमहरुको वारेमा चौमासिक, अर्ध वार्षिक र वार्षिक समिक्षा मार्फत संचालीत कार्यक्रमहरुको उपादेयता र त्यसले पारेको प्रभावको वारेमा विस्तृत रुपमै छलफल गरी सोको प्रगति विवरण सम्वन्धित निकायमा उपलब्ध गराउने ।
• यस मन्त्रालय एवं अन्तर्गत निकायहरुको मासिक प्रगति विवरण सम्वन्धित निकायमा समयमै पठाउने ।
• स्वीकृत कार्यक्रम अनुसार कार्य भए नभएको व्यहोरा अनुगमन गर्ने र सोको मूल्याङ्कन सहीतको  प्रतिवेदन पेश गर्ने ।
• विज्ञान, प्रविधि र वातावरण क्षेत्रसंग सम्वन्धित नीति, रणनिति तथा कार्यनीतिहरु निर्माण गर्ने कार्यमा सहयोग पु¥याउने ।
• मन्त्रालयको योजना तथा कार्यक्रम तर्जुमा र कार्यान्वयन सम्वन्धमा संसद सम्वन्धी सम्पर्क विन्दुको रुपमा आवश्यक कार्य गर्ने गराउने ।
• मन्त्रालय र अन्तर्गतका निकायवाट यस गरेको योजना तथा कार्यक्रम भित्र रही आर्थिक समर्थन गर्ने गराउने वा दातृ संस्थाहरुसंग सम्पर्क, छलफल, समन्वय गर्ने ।
• स्वीकृत योजना तथा कार्यक्रम कार्यान्वयन गर्ने, गराउने ।
• मन्त्रालयवाट प्रस्ताव हुने आयोजना तथा कार्यक्रम सम्वन्धी प्रस्तावहरुमा आवश्यक कार्य गर्ने ।
• व्यवस्थापिका संसदको वातावरण, विज्ञान तथा प्रविधि हेर्ने भनि तोकिएको समितिसंग आवश्यक समन्वय राखी मन्त्रालयको नीति निर्माण सम्वन्धी कार्य गर्ने ।
• सम्वन्धित अन्य निकायहरुसंग समन्वय गरी आवश्यकता अनुसार नीति परिमार्जन/संशोधन सम्वन्धी कार्यगर्ने ।

उद्देश्य :– आम समुदायको जनभावनालाई समेट्दै स्थानिय तह सम्मका जनता लाभान्वित हुने किसिमको कार्यक्रम तर्जुमा गरी सोको प्रभावकारी कार्यान्वयनमा ध्यान दिने ।

संगठन संरचना  :–

• उपसचिव, प्रशासन, सामान्य प्रशासन, रा.प.दितीय – १
• शाखा अधिकृत, प्रशासन, सामान्य प्रशासन, रा.प.तृ –२
• तथ्याङ्क अधिकृत, आर्थिक योजना तथा तथ्याङ्क, तथ्याङ्क समूह रा.प.तृतीय – १

योजना अनुगमन तथा बजेट समन्वय शाखावाट स्वीकृत कार्यक्रम अनुसार सम्पादन गरिने कार्यक्रमहरु :–

सि.न.        कार्यक्रम                                                                        वार्षिक बजेट (रु हजारमा)

१)          कार्यक्रम अनुगमन तथा सुपरिवेक्षण                                   रु १०००

२)          मन्त्रालयस्तरीय वैठकहरु समीक्षा वैठक तथा वार्षिक

             तथा चौमासिक प्रगति प्रतिवेदनहरु तयार गर्ने                      रु. ६००

३)          अनुसन्धान तथा विवरण डाटाहरु तयार गर्ने                         रु. ५००

४)          वातावरण विषयको अनुसन्धान र विकासका लागि

             त्रि.वि.वि. केन्द्रिय वातावरण विभागलाई अनुदान दिने           रु. ३००

नितिगत निर्णयहरु :–

प्रकाशनहरु :–